Samsung Galaxy Tab-ն այլևս նման չէ iPad-ին - NeWs -

Samsung Galaxy Tab-ն այլևս նման չէ iPad-ին

Добавлен 23.12.2011 в 15:41

Samsung հարավկորեական ընկերությունը փոփոխել է Galaxy Tab-ի դիզայնը, որպեսզի այն չխախտի Apple-ի արտոնագրային իրավունքները: Այս մոդելի վաճառքն, ամենայն հավանականությամբ, այլևս չի արգելվի Գերմանիայում:

Դատարանի վերջնական որոշումը կկայացվի 2012-ի փետրվարի 9-ին:

Apple-ն ու Samsung-ը ընթացիկ տարվա ապրիլից արտոնագրային պատերազմներ են մղում տարբեր երկրներում: Դատական գործի քննության նպատակով Galaxy Tab 10.1-ի վաճառքն արգելվեց Գերմանիայում սեպտեմբերի 9-ից: Ըստ Apple-ի ներկայացրած մեղադրանքի՝ Samsung-ի պլանշետն ամբողջովին կրկնում է Apple iPad-ի դիզայնը:

Նոյեմբերին Samsung-ը թողարկեց Galaxy Tab-ի նոր տարբերակ՝ 10.1N, որն արդեն բավականին տարբերվում է iPad-ից: Այն ունի մետաղական ծայրեր, իսկ բարձրախոսները տեղադրված են սարքի դիմային մասում:

Pcnews.Am