Շվեդիայի Գերագույն դատարանը մերժել է Pirate Bay-ի հիմնադիրների բողոքարկման դիմելու իրավունքը: Տուգանքներն ու ազատազրկումը մնում են ուժի մեջ:

Հայտնի տորենտ-թրեքերի ստեղծող Պիտեր Սաունդը, Կարլ Լունդստրեմն ու Ֆրեդերիկ Նեյնը մեղավոր են ճանաչվել հեղինակային իրավունքների խախտման համար: Ի տարբերություն 2009 թ.-ին կայացված որոշմանը՝ նրանց ազատազրկման ժամկետը կրճատվել է, սակայն տուգանքն ավելացվել է մի քանի անգամ:

Պիտեր Սաունդն, ով ինտերնետում հայտնի է՝ որպես Brokep, կազատազրկվի 8 ամսով, Նեյն՝ տասը, իսկ Լունդստրեմը՝ չորս ամսով: Հաղորդում է TorrentFreak-ը: Բացի այդ՝ նրանք պարտավորվում են վճարել ընդհանուր 6,8 մլն դոլար տուգանք: