Orange-ը ներկայացրել է հեռախոսների մարտկոցները լիցքավորող շապիկներ - NeWs -

Orange-ը ներկայացրել է հեռախոսների մարտկոցները լիցքավորող շապիկներ

Добавлен 11.03.2012 в 16:36

Orange բջջային օպերատորը «Գլասթոնբերի» երաժշտական փառատոնի այցելուներին հնարավորություն կտա փորձել բջջային հեռախոսների մարտկոցները լիցքավորելու հնարավորությամբ շապիկներ:

Շապիկի մեջ համապատասխան սարք է դրվելու, որի միջոցով ձայնային ալիքները փոխակերպում են էլեկտրական հոսանքի: Ինչքան այցելուն մոտ գտնվի համերգի համար նախատեսված բեմին, այնքան ավելի բարձր կլինի ձայնը, և հեռախոսն ավելի շուտ կլիցքավորվի:

Recombu-ն մանրամասնում է, որ փառատոնի ժամանակ աղմուկի միջին բարձրությունը կկազմի 80 դեցիբել: Շապիկի ստեղծողների կարծիքով՝ դա հերիք է մարտկոցն ամբողջությամբ լիցքավորելու համար:

Տեղեկացնենք, որ «Գլասթոնբերի» երաժշտական փառատոնն անց է կացվում Մեծ Բրիտանիայում: Այս տարի այն տեղի կունենա հունիսի 22-26-ն ընկած ժամանակահատվածում: Փառատոնի մասնակիցներն բոլոր 5 օրերին ապրելու են վրաններում և իրենց հեռախոսները լիցքավորելու հնարավորություն չեն ունենալու:

Orange-ը, որը, ըստ ավանդույթի, հանդիսանում է փառատոնի հովանավորը, ամեն տարի «Գլասթոնբերիում» ներկայացնում է դաշտային պայմաններում բջջային հեռախոսների մարտկոցները լիցքավորելու սարքեր: Այսպես, 2008 թ. փորձարկվել է «պարային լիցքավորիչը», որը կինետիկ էներգիան փոխակերպել է էլեկտրաէներգիայի: