Megaupload-ի ֆայլերը դեռևս չեն հեռացվի. այս մասին գրում է Cnet-ը: Պարզվում է, որ  Cogent Communications և Carpathia Hosting ընկերությունները, որոնք հոսթինգային ծառայություններ են մատուցում Megaupload կայքին, ընդառաջ են գնացել և խոստացել, որ ֆայլերը երկու շաբաթ շարունակ չեն ջնջվի:

«Այս ընթացքում մենք կփորձենք համաձայնության գալ իշխանությունների հետ»,- ասել է Megaupload-ի ղեկավարության փաստաբան Այրա Ռոտկենը:

Նշենք, որ ֆայլերի ջնջվելու դեպքում 50 մլն օգտագործող, որոնց մի մասն էլ օգտվել է ծառայությունից առանց հեղինակային իրավունքները խախտելու, անդարձ կկորցնի իր ֆայլերը: