Ադրբեջանական կայքերի վրա հարձակման մեջ հնարավոր է՝ մասնակից լինի Սաուդյան Արաբիան - NeWs -

Ադրբեջանական կայքերի վրա հարձակման մեջ հնարավոր է՝ մասնակից լինի Սաուդյան Արաբիան

Добавлен 22.01.2012 в 16:24

Թուրքական լրատվամիջոցները չեն բացառում, որ ադրբեջանական կայքերի վրա հնարավոր է՝ հարձակում իրականացրած լինեն Սաուդյան Արաբիայի հաքերները:

1nеws.az-ը գրում է, որ ադրբեջանական կայքերը դարձել են ուղղակի իսրայելական կայքերի վրա կատարված հարձակման մի մասը:

Նշենք, որ իսրայելական կայքերի դեմ հարձակումը ղեկավարել է 0xOmar անվամբ մի հաքեր, նա տարածել է ցանցում հազարավոր իսրայելցիների անձնական տվյալներն ու կրեդիտային քարտերի համարները:

Ադրբեջանական կայքերից հիմնականում շարքից դուրս էին հանվել պետական նշանակության պորտալներ ու տեղեկատվական կայքեր: Հարձակման զոհ էր դարձել նաև նախագահ Իլհամ Ալիևի կայքը, որի արխիվն ամբողջովին դուրս է բերվել շարքից, սակայն այժմ վերականգնվել է՝ archive.president.az:

Առաջին վարկածներից մեկն այն էր, որ սա հայ կամ իրանցի հաքերների ձեռքի գործն է. այս մասին հայտարարել էր Միջազգային հարաբերությունների ու միջկառավարական հանձնաժողովի անդամ Միլի Մեջլիսա Ասիմ Մոլազադեն: